'দাভা টেঙাত্ত্যেয়'

 "দাভা টেঙাত্ত্যেয়"
 নূতন ধন চাকমা,

ধেয় তাগলান ধারেলুঙ,
চিনচিন্ন্য গরিনেয়।
হাত্ত্নদ যেম এবার মুই,
সমার তোগেয়নেয়।

তরে্ লবার হাত্ত্নদ যেম,
গাজ-বাজ হাবিম্বোয়।
ত্ বাবা-মামা দোজ্জ্যোন্দে দাভা টেঙাগুন
যুগুলেবার যোগা মুই চেম্বোয়।

দাভা টেঙা বেজ দোজ্জ্যোন,
মত্ত্যেয় বো ন্ দিবাত্ত্যেয়।
সে দুগে হাত্ত্নদ যাঙঅর,
তরে লবাত্ত্যেয়।

জীবনদ ধ্ হাত্ত্নদ ন্ যাঙ,
গাজ-বাজ হেনে্ হাবিম্বোয় হিজেনী?
তরে ন্ পেলে দুগে যেব মর,
এ জীঙগানির নিজেনী।

৫ বজর ধুরি লে্ন গরির,
অামি দ্বি'জনে।
লবার অক্ত্দ অারেবার ন্ চাঙ,
তরে অারেলে, বাজিম মুই হেনে?

জীবনত্ত্যেয় মুই সুগী ওই,
তরে লোয় পেলে।
দি্ল হেনা যেদ্ নয় মর,
তরে ন্ পেলে।

দাভা টেঙাগুন যুগুলেয় পারল্ল্যে,
যাদি পিরিম্বোয়।
মত্ত্যেয় বিলি তুয়ো এবার,
গোজনত্তুন বর মাগিচ্চোয়।

হাত্ত্নদ যেনেয়...
বাঘ-ভালুক্কুনরে মৈত্রী দিম্বোয়,
বুদ্ধ'র পহ্দ ধুরি।
তারাও মরে মৈত্রী দিবাক
ম্ অাগোজ্দ পুরি।

বেন্ন্যে-বেল্ল্যে বন্দনা গরিজ,
হুজি গরিনেয়।
ত্ পূর্ণ বলে যাদি পিরি পারঙ পা্,
তিরোজ পুরেয়নেয়।

সিত্তুন ফিরিলে লো-লি অহ্ভঙ,
দাভা টেঙাগুন দ্বি'নেয়।
জীঙগানির নিজেনী সুগী অহ্ভঙ,
ল'গ সমারী ওনেয়।
=======
পুুর- ১৫.১০.২০১৯ইং।