"পরানি"
নূতন ধন চাকমা,
(গান গেই চাঙ হাক্কন)
ও মোর পরানি,
ও মর ধনপুদি,
হুদু গেল্যা্ তু্ই।
রেদ-দিন তোগাদে তরে,
অরান ওলুঙ মুই।
(২) বার।

চম্পক নগর গুরি এলুঙ,
চাঙমা রাজধানী।
তরে ধ্ মুই সুগ ন্ পেলুঙ,
গরিম ইক্কে হি?
চম্পক নগর ছাড়ি বেলে,
নেক্কো লুয়োচ্ছোই।
মন্ তিরোজ পুরেবার তুই,
ফেলেয় যিয়োচ্ছোই।
ও মোর পরানি,
ও মর ধনপুদি,
হুদু গেল্যা্ তু্ই।
রেদ-দিন তোগাদে তরে,
অরান ওলুঙ মুই।
(২) বার।
অাজায় অাজায় যিয়োজ তুই,
মরে ছাড়িনেয়।
মন্ অাজা পুরেয় ন্ পারলে,
সে নেক্কোরে তুই লোনেয়।
হদা-বার্তায় ন্ মিলে তোমার,
নিত্ত্যো দুগোদ তা্জ।
ইক্কে বেলে দুগোদ তাজ তুই,
সুদিন বার্ মাস।
ও মোর পরানি,
ও মর ধনপুদি,
হুদু গেল্যা্ তু্ই।
রেদ-দিন তোগাদে তরে,
অরান ওলুঙ মুই।
(২) বার।
ম্ মনানও দুগোদ তাই,
ত্ হদানি শুনিলে।
চুরি গুরিনেয় ফেলেয় যেনেয়,
সিয়েন হি তুই গুরিলে?
সুগোর অাজায় দুগ তোগেলে,
হুজি ধুরিনেয়।
হানি হানি তেলেও তুই।
গরিবার ম্'রও হিচ্ছু নেই।
ও মোর পরানি,
ও মর ধনপুদি,
হুদু গেলা তু্ই।
রেদ-দিন তোগাদে তরে,
অরান ওলুঙ মুই।
(২) বার।

পুর-১৪.১১.২০১৯ইং।

"লেত্ত্যো পরে"
নূতন ধন চাকমা,
টেব্ টেব্ লেত্ত্যো পরে,
অামেল্ল্যা্ তোন দেলে।
হেয় ন্ পেলেও মর,
যানে পেট ভরে।

সিদোল্ অা ইজে তা্বা্ দিনেয়
অামেল্ল্যা্ তোন,
যক্ক্যা্ তুই রানিবে।
রা্নদে রা্নদে তুমবাজ নিগিলে,
যানে পেট পুরে।
ভাত্তুন অবাক চিগোন ধান্ ভাত,
তে্ব গরম গরম অামেল্ল্যা্ তোন।
পেদত চাঙমা লেঘা উদে সঙ
হেয় পারে,
যুদিও ন্ থায় হ্'ন্ সোত্ত্যা্ তোন।
অামেল্ল্যা্ তোন সমারে,
হা্জা্ গুরি মুরিজ যুদি তায়?
ভাত হা্না্ও তৃপ্তি অয়,
লেদা পাগে সঙ
হেয় পারঙগে হামাক্কাই।
ম্ নাঙে সোত্ত্য্ তোন,
সিয়েন অহ্'ল অামেল্ল্যা্ তোন।
হ্'ন্ তোন ন্ লাগে মর,
যুদি পাঙ সিদোল অা ইজে দে
অামেল্ল্যা্ তোন।

পুর-১৯.১১.২০১৯ইং।

"তিরোজ"
নূতন ধন চাকমা।
মন্ পারমি পুরেবায়,
তরে্ তোগাঙঅর।
য়ে্ল য়ে্ল তারুম বন্ ছেড়ে ছেড়ে,
নিবিলি শন পথ ফুরি ফুরি তোগেয়নেয়ও
গমে্ সুগ ন্ পাঙঅর।

এক্কা গুরি লাগত পেয়োঙ,
দজরা পত্তানদ।
সিত্তুন ধুরি দেগঙ তরে,
বানা সবনদ।
সবনে দেলে ঘুমে ন্ ধরে,
রেত্ত্যো যাগি তাঙ।
ত্ চিদেয় রোঁয়্ বাশ গুনদে মুই,
রেত্ত্যো পহ্'র গরাঙ।
ইরে, মানেক, সোনা-রুবো,
এ্যা্ জীঙকানিদ যা্ তুবেলুঙ।
বেক্কানি তরে্ গোজেম বিলিনেয়,
মন্ তিরোজ বাড়েলুঙ।
ওজোলেঙবলা মোনঘর তুল্ল্যোঙ,
মুজুঙ্যা্ন্দি ইজোর দিনেয়।
ত্ অাজায় তুল্লোঙ ঘরান,
তুই এভে বিলিনেয়।
রাঙা পিনোন হালা হাদি,
যুগোল গুরি রাগেয়োঙ।
নোয়্ 'বো' অদে পিনিবে বিলিনেয়,
ফুর ভারেঙোদ তুয়োঙ।
মন্ অাগোজে তোগাঙ তরে,
লগ্ সমারী অবাত্ত্যেয়।
পারমি পূরণ গরিনেয় এচ্ছোঙ,
তরে পেবাত্ত্যেয়।
ফোলেয় ফোলেয় ন্ থেজ অার তুই,
ভেদা দেগি ম্ ইদু।
মন্ অাজা পুরেয় দিম তরে,
পরানান গোজেয় দিম ত্ সিদু।

পুর-২৩.১১.২০১৯ইং।

"আজা পুরেম এবারে"
নূতন ধন চাকমা,
ফাগুন মাস্সো সোম্মে ধুরি
নোয়্ গুরি তিরোজ এক্কা বাড়েলুঙ।
সে অাজায় মুই এবার,
ঘিলেফুল তোগা লামিলুঙ।

নিবিলি শন্ পথ ফুরি ফুরি,
অঘুম তারুম গুরিলুঙ।
লেদা্ অয় সঙ তোগেয়নেয়ও,
তারুমোদ ঘিলে ফুল ন্ ফেলুঙ।
বেগ জেরে অাদাম হুরে এই,
ঘিলে ফুল সুক পেলুঙ।
মন্ তিরোজ পুরেয়নেয়
ফটু, ভিডিও তুলিলঙ।
মন্ তিরোজ বাড়িনেয়
লগ সমারী বানেবার
রাঙামাত্ত্যা্, হাগাড়াছুড়ি, বড়গাঙ,
চেঙে, মেয়নী ঘুরিলুঙ।
লেদা পাগে সঙ ঘুরিনেয়ও
লগ সমারী সুক ন্ ফেলুঙ।
ঘুত্ত্যা্ ঘুত্ত্যা্
চেঙে দজরদ পড়িনেয়,
হালা পিনোন-রাঙা হাদি অা অাঝলি দে্ এক্কো মেলা লাগ ফেলুঙ।
সে মেলা'বো লগে থাগদে্ থাগদে্
ঠির বয়োজদ পড়িনেয় বলে্ বলে্ ভিরেরুঙ।
লবার হ্'র তে্ এবার,
লহ্'ব বেলে হামাক্কাই।
ইরে মানেক, সোনা-রুবো ন্ তগাই,
গম মন বলা তে তগাই।
গম মন বলা হলেয়নেয়,
ভালক হিজু গরিলুঙ।
বেগ জেরে
হন্ মতে তারে ভিরেয় পারিলুঙ।
ঘিলেফুল তগানা
লাভ অহ্'ল।
মন্ অাজা মর পুরেল।
ফুর বারেঙ বুগিনেয় 'পুর' বজা যাদন,
মেলা 'পুর' বোজেবাক সমবারে।
মেলা হেবার এচ্ছোে তুমি,
মেলাদ বলাঙঅর তোমারে।

পুর-২৫.১১.২০১৯ইং।

"জনম দুক্খ্যা্"
 নূতন ধন চাকমা,
১৯৬০ সাল অাগে মুই,
হন্ হিত্ত্যা্ অভাব-অনতনদ ন্ এলুঙ।
কাপ্তে গধা্ পরে মুই ইস্তো-হুদুম অা
বেগ সয়-সম্বল অারেলুঙ।

কাপ্তে গধা অাগে মর,
ধান গোলাদ ধান এ্যা্লাক।
পো্র ঠিগে মাছ এ্যালাক।
সয়-সম্বল অভাব ন্ এ্যা্ল,
শত শত গরু এ্যালাক।
হন্ দুগ ন্ পাঙ মুই,
ঝাঁক ঠিগে মোজ এ্যা্লাক।
অাম বাগানদ অাম,
হাট্টল বাগানদ হাট্টল
বেগ এ্যা্ল মর।
অভাব-অনতনদ এক্কাও ন্ এ্যালুঙ,
দুখ- হস্ত ন্ পাঙ জনমভর।
বজরবো এ্যালে
হয়েক অাজার অাড়ি ধান পেদুঙ।
মোক-পো, ইস্তো-হুদুমে, গাবুরে-চাগরে
মন্ সুগে মুই থেদুঙ।
ইস্তো-হুদুম অভাব ন্ এ্যা্ল,
নিত্যো তালাশ গত্তাক্কি।
তালাশ গরা এ্যালে্ তারা,
সুগে-শান্দিয়ে র্'ধাক্কি।
তিন ধু্ন এ্যা্ল ভূই।
কাপ্তেই গধায় বেগ অারেয়,
ছত্র-ভঙ্গ ওলুঙ মুই।
চিগনত্তুন ধুলি দুঃখ ন্ পায়,
ভাত রাদত তে্য় ন্ পাঙ।
বেগ সয়-সম্বল অারেয় ইক্কে
ভাত রাদত থেয় পাঙ।
কাপ্তে গধায়,
বেগে সয়-সম্বল অারেলুঙ।
জনম দুক্খে মুই ওলুঙ।
ইস্তো-হুদুমুনও ছত্র-ভঙ্গ
ওই গেলঙ।
মন্ দুগে র'ই গেলঙ।
ম্ মামু দাগি ৩ ভেই-বোনে,
যিয়োন মিজোরাম।
অাজু দাগি অা জিদু দাগি,
বেক্কুনে যিয়োন বড় পরঙ।
মুই রোই গেলুঙ দেজ-গাঙদ,
পানিঅান চুবি দি।
সয়-সম্বল অারেনেয়,
বাজিলুঙ, জুম চাষ গুরি গুরি।
হেয় ন্ হেয় থেয় থেয়,
জুম চাষ গরিলুঙ।
হয়েক বজর পরেন্দি হন্ মতে
ঠক ধুরিলুঙ।
দেয়-পোলেয় যাদে যাদে,
সিনিও মুই অারেলুঙ।
ইক্কে মুই দুগ পাঙঅর,
ভাত রাদত থেয় পাঙঅর।
হন্ ইস্তো-হুদুম অার
তালাজ গুরি ন্ পারঙঅর।
দেশ হুলে মুই রলুঙ,
ইস্তো-হুদুম ছাড়া মুই ওলুঙ।
সয়-সম্বল অারেয়নেয়,
জনদ দুক্ক্যা্ মুই ওলুঙ।

পুর-২৮.১১.২০১৯ইং।

“আমা দেচ্ছান”
 নূতন ধন চাকমা,

হি দোল্ য়েল য়েল মুরো-মুরি,
আমা দেজ’ গাঙ।
চেরোফেলা ছড়া-ছড়ি, শির-ছাদারা, ঝরঝরি, চেঙে, মেয়নী, হাজলঙ,
আগে আরো বড়গাঙ।

মুরো-মুরি ছেড়ে ছেড়ে,
বৌয় জিয়েগোই ছড়ানি।
ছড়ানি পাড়ে পাড়ে তুল্ল্যা্য় আমি
আমা আদামানি।
ছড়া পাড়ে পাড়ে আদামানি ওনেয়,
দেগদে লাগে দোল।
বেড়া এচ্ছে মানুস্সুনে,
ওই যান বেগে ওলোঝোল।
মোন, মুরো হাজেয় হাজেয়,
আমি জুম গরি।
আমা দেচ্ছান বানেয়েয় আমি,
যেন স্বর্গপুরি।
আমা দেজ উত্তুরে
তিবিরে রেজ্জ্যো্গান।
দগিনে বার্মা দেজ, পজীমে বাংলা,
পুগেন্দি আগে মিজোরাম,
মধ্যে উয়ে স্বর্গপুরি সান,
আমা দেজ গাঙআন।
তের জাদ, তের কধা, তের ভেই,
বেক্কুন আমি সদর ভেই।
মিলিমিজি আগি আমি,
এক পেলা্ ভাত হেই।
তের ভেই, তের জাদ,
বেক্কুনে আমি কুদুম্বো।
বেক্কুনে আমি হোচ পা-পি,
থেবঙ আমি জনম্মো।
যিয়েন চেয় সিয়েন পেয়,
চেরোহিত্তে গাজবাশ।
রঙে-বেরঙে ফুল ফুদোন,
সুদিন বারমাস।
রেঙে-গীদে তেয় আমি,
সুগোর আজি ন্ ফুরোয়।
মোন, মুরো, ছড়া-ছড়ি,
শিল-ছাদারা আ ঝরঝরিনি দেলে,
বেগর চিত জুরোয়।
মোনে মোনে জুমো ঘরদ,
জুম গরেয়েউনে থান।
ঝাগে ঝাগ রেঙো চাগ দিনেয়,
উভগীদ গান।
আমা বেগর হোচপিয়ে
হিল চাদিগাঙ।
মিলেমিজি থেবঙ আমি,
থেবঙ আমি জনমান।

পুর-২৮.১১.২০১৯ইং।

"সবনর ধনপুদি"
 নূতন ধন চাকমা।

চাঙমা জাদর রীধি- সুদোমে,
রাঙা হাদি, হালা পিনোন
পিনোজ তুই হুব মন দ্বি।
তুই অলে ম্' অাগোজোর,
সবনর ধনপুদি।

হ্'রিনো ধ্ক চোক্কুন তর,
হোগিলো ধ্ক তর 'র'।
ত্ রবো শুনিলেও চিত জুরায়,
ওই যান যানে 'ভ'।
তুই,
রাঙা বিলি রাঙা নয়,
হালা বিলি নয়,
স্বর্গপুরী পুরি মেলা ধ্ক,
তুজিম পুরো দোল।
তরে দেলে
হারোচ্ছ্যা্, গাবুজ্জ্যা্, বুড়ো মরদে,
বেগে ওই যান ওলো-ঝোল।
রুবে-রঙে, অাজনে-মাদনে,
চরনে-গরনে তুজিম পুরো,
হন্ উনে নেয়।
ত' লগ সমারী অবার চান বেগে্,
জীঙকানির নিজেনী মন্ সুগে
গোঙয়েয় নিবাত্ত্যা্য়।
বুগোদ অাঝলি, হানদ ঝুঙগো,
ঠেঙঅ্দ ঠেঙ হারু যক্ক্যা্ পিনিবে।
হমর্'দ হা্দ দ্বি চেয় তেবার মনে হয়,
মনে হ্য় যেন হ্'ন পুরী মিলে।
ত্ লগে হদা্ হলেও
ম্ মনদ স্বর্গ সুখ পুদে।
হা্জার মন্ দুগ থেলেও যানে,
হ্'ন দুগ মনদ ন্ উদে।
তুই অলেদে স্বর্গর পুরী,
জুলি জুলি থাজ।
মন্ সুগে তাজ তুই,
হাররে্ বেলে, রাগ রাগ,
গজাঙ গজাঙ ন্ দেগাজ।
তুই ম্'র সবনর ধনপুদি,
তত্থ্যা্য় জনম মর।
হা্জার বজর ধুরি ত্ অাজায় মুই,
জীঙকানির নিজেনী গোঙয়েয় নিবার
তিরোজ গরঙঅর।
তরে ফেলে
এ জীঙকানিদ মুই,
মন্ সুগোদ থেম।
জনম জনম তরে মুই,
হোচ পেয় পেয় যেম।
রিজে-রিচ্ছে, হিঙসে-পিজুম,
জীবনদ মুই ন্ গুরিম।
জীঙকানির নিজেনী সুগে-শান্তিয়ে যেবার,
জনমভর ত্ হদায় মুই চলিম।
তুই অলে ম্'র
সবনর ধনপুদি।
পিলেঙ তুলো এত্তন তরে,
এবার অভে তুই ম্'র লগ সমারী।
নূতন ধন চাকমা।
পুর-৩০.১১.২০১৯ইং।

                         পানছড়িতে 
  ইপসা ‘শো’ প্রকল্পের সমাপ্তকরন সভা অনুষ্ঠিত
নূতন ধন চাকমা, পানছড়ি।
খাগড়াছড়ির পানছড়ি উপজেলায় ইপসা শো প্রকল্পের সমাপ্তকরণ সভা আজ শনিবার(৩০.১১.১৯ইং) সকাল ১১টায় ৩নং পানছড়ি সদর ইউনিয়র পরিষদ মাঠে অনুষ্টিত হয়েছে।

উপজেলা পরিষদের প্যানেল চেয়ারম্যান চন্দ্র দেব চাকমার সভাপতিত্বে ও শো প্রকল্পের পানছড়ি উপজেলা ব্যবস্থাপক সাংবাদিক জসিম উদ্দিনের সঞ্চালনায় সভায় প্রধান অতিথি হিসাবে উপস্থিত ছিলেন খাগড়াছড়ি হাসপাতালের সিভিল সার্জন মোঃ ইদ্রসি আলী।

বিশেষ অতিথি হিসাবে বক্তব্য রাখেন, জেলা পরিবার পরিকল্পনা কর্মকর্তা বিপ্লব বড়ুয়া, মহিলা ভাইস চেয়ারম্যান মনিতা ত্রিপুরা, ইপসার নির্বাহী পরিচালক আরিফুর রহমান, ইপসা’র পরিচালক মনজুর মোমেদ চৌধুরী।

এছাড়াও সভায় বক্তব্য রাখেন পানছড়ি প্রেস ক্লাবের সভাপতি জয়নাথ দেব, উপজেলা স্বাস্থ্য কর্মকর্তা ডাঃ সনজীব ত্রিপুরা, পরিবার পরিকল্পনা কর্মকর্তা সোহাগ ময় চাকমা, 
 
৩নং পানছড়ি সদর ইউপি চেয়ারম্যান মোঃ নাজির হোসেন, ২নং চেঙ্গী ইউপি চেয়ারম্যান কালা চান চাকমা, ৫নং উল্টাছড়ি ইউপি চেয়ারম্যান বিজয় চাকমা, ১নং লোগাং ইউপির প্যানেল চেয়ারম্যান জাপান চাকমা, ৪নং লতিবান ইউপি চেয়ারম্যান কিরণ ত্রিপুরা, ইউপি সদস্য সুশিলা চাকমা প্রমূখ।

সভায় উপজেলার উপজেলার সাংবাদিক, হেডম্যান, কাবার্রী, সুশীল সমাজের প্রতিনিধি, স্বাস্থ্য ও পিরবার পরিকল্পনার বিভাগের কর্মচারীসহ বিভিন্ন পেশার রোকজন উপস্থিত ছিলেন।

উল্লেখ্য, বেসরকারী উন্নয়ন সংস্থা ‘ইপসা’ র শো প্রকল্পেটি এপ্রিল ২০১৬ইং সাে থেকে পানছড়ির দুর্গম প্রত্যন্ত অঞ্চলে ৫টি ইউনিয়নে স্বাস্থ্যসেবা নিশ্চিত কল্পে কাজ শুরু করে। স্বাস্থ্যসেবার মান ব্যাপক বৃদ্ধি করে ডিসেম্বর ২০১৯ইং এ কার্যক্রম সমাপ্ত করে।
তাং ৩০.১১.১৯ইং।