"তিরোজ"
নূতন ধন চাকমা।
মন্ পারমি পুরেবায়,
তরে্ তোগাঙঅর।
য়ে্ল য়ে্ল তারুম বন্ ছেড়ে ছেড়ে,
নিবিলি শন পথ ফুরি ফুরি তোগেয়নেয়ও
গমে্ সুগ ন্ পাঙঅর।
নূতন ধন চাকমা।
মন্ পারমি পুরেবায়,
তরে্ তোগাঙঅর।
য়ে্ল য়ে্ল তারুম বন্ ছেড়ে ছেড়ে,
নিবিলি শন পথ ফুরি ফুরি তোগেয়নেয়ও
গমে্ সুগ ন্ পাঙঅর।
এক্কা গুরি লাগত পেয়োঙ,
দজরা পত্তানদ।
সিত্তুন ধুরি দেগঙ তরে,
বানা সবনদ।
সবনে দেলে ঘুমে ন্ ধরে,
রেত্ত্যো যাগি তাঙ।
ত্ চিদেয় রোঁয়্ বাশ গুনদে মুই,
রেত্ত্যো পহ্'র গরাঙ।
ইরে, মানেক, সোনা-রুবো,
এ্যা্ জীঙকানিদ যা্ তুবেলুঙ।
বেক্কানি তরে্ গোজেম বিলিনেয়,
মন্ তিরোজ বাড়েলুঙ।
ওজোলেঙবলা মোনঘর তুল্ল্যোঙ,
মুজুঙ্যা্ন্দি ইজোর দিনেয়।
ত্ অাজায় তুল্লোঙ ঘরান,
তুই এভে বিলিনেয়।
রাঙা পিনোন হালা হাদি,
যুগোল গুরি রাগেয়োঙ।
নোয়্ 'বো' অদে পিনিবে বিলিনেয়,
ফুর ভারেঙোদ তুয়োঙ।
মন্ অাগোজে তোগাঙ তরে,
লগ্ সমারী অবাত্ত্যেয়।
পারমি পূরণ গরিনেয় এচ্ছোঙ,
তরে পেবাত্ত্যেয়।
ফোলেয় ফোলেয় ন্ থেজ অার তুই,
ভেদা দেগি ম্ ইদু।
মন্ অাজা পুরেয় দিম তরে,
পরানান গোজেয় দিম ত্ সিদু।
পুর-২৩.১১.২০১৯ইং।
দজরা পত্তানদ।
সিত্তুন ধুরি দেগঙ তরে,
বানা সবনদ।
সবনে দেলে ঘুমে ন্ ধরে,
রেত্ত্যো যাগি তাঙ।
ত্ চিদেয় রোঁয়্ বাশ গুনদে মুই,
রেত্ত্যো পহ্'র গরাঙ।
ইরে, মানেক, সোনা-রুবো,
এ্যা্ জীঙকানিদ যা্ তুবেলুঙ।
বেক্কানি তরে্ গোজেম বিলিনেয়,
মন্ তিরোজ বাড়েলুঙ।
ওজোলেঙবলা মোনঘর তুল্ল্যোঙ,
মুজুঙ্যা্ন্দি ইজোর দিনেয়।
ত্ অাজায় তুল্লোঙ ঘরান,
তুই এভে বিলিনেয়।
রাঙা পিনোন হালা হাদি,
যুগোল গুরি রাগেয়োঙ।
নোয়্ 'বো' অদে পিনিবে বিলিনেয়,
ফুর ভারেঙোদ তুয়োঙ।
মন্ অাগোজে তোগাঙ তরে,
লগ্ সমারী অবাত্ত্যেয়।
পারমি পূরণ গরিনেয় এচ্ছোঙ,
তরে পেবাত্ত্যেয়।
ফোলেয় ফোলেয় ন্ থেজ অার তুই,
ভেদা দেগি ম্ ইদু।
মন্ অাজা পুরেয় দিম তরে,
পরানান গোজেয় দিম ত্ সিদু।
পুর-২৩.১১.২০১৯ইং।
